كتبمكتبة و كتبملخصات كتبهاجر الرفاعي

تلخيص كتاب كتالوج الحب الجزء الأول

كتاب “كتالوج الحب”
غادة كريم…
“إلى كل من أحبني فى الحياة.. فعلمني طقوس العربدة البهجة، و جعلني أتنفس معه رائحة الونس.. إلى كل من خذلني يوماً.. فجعل قلبي ينزف بأناقة على الورق.. إليهم جميعاً… أكتب للحب كتالوج يروي عن تفاصيل الألفة والألم.. يحكي بعمق عن الشغف…⁦⁦
””””””””””””””””’
“غادة كريم” هي كاتبة مصرية، تخرجت من كلية العلوم واستقلت بعملها الخاص فى صناعة الشموع، تگتب أسبوعياً ببوابة روز اليوسف وجريدة اليوم الجديد، وصدر لها “علامات الحب السبعة” و”رسائل حريمي جدا”⁦
”””””””””””””””
الكتاب ده عبارة عن دليل للمخطوبين، أو اللي على باب الزواج عامة.
الكاتبة وصفته بالكتالوج لأنه عبارة عن خريطة بتشرح فيها أسلوب وطريقة الحياة بين الطرفين، اللي مفروض تذاكرها كويس علشان تعرف الطرف التاني حياته ماشية ازاي، زي بالظبط كتالوج بيجي مع أي جهاز.

الخريطة دي ماشية فى شكل مثلث مكون من ثلاثة أضلاع، ودول أساس الحياة الصحيحة السوية بين اي طرفين .
⁦⁩الضلع الأول:
-“الفهم”:
بيتلخص فى ازاي أعرف شريک الحياة، بمعني أعرف بيفكر في إيه، إيه اللى بيحبه، وإيه اللى بيكرهه.
الفهم هو زرعة الحب وده الجزء الأول اللي هنتكلم عنه النهارده أن شاء الله.

الضلع الثاني:
-“صناعة الونس”:
إنک دائما طول الوقت معاه -أو معاها- مش بتمل منه، من الآخر كده الطرف الثاني بالنسبة لك بقي إدمان⁦⁩، دايما باصص له ومش ملان بالعكس أنت بتلاقي كل استمتاعك في نظرة عينيه⁦ وده الجزء الثاني فيما بعد.

⁦⁩الضلع الثالث:
-“المجهود”:
اللي هيكون تطبيق عملي للحب، وهو ازاي بسعي للحفاظ على العلاقة دي وامنعها من التخريب.

“الجزء الأول:

  • الفهم (دراسة الجنس الآخر):

⁦عشر حقائق لا تدركها المرأة عن الرجل

⁦⁩التوقيت: وهو لازم كل حاجة تتعلم فى وقتها وإلا مش هيبقي لها طعم بعد كده، من أقل حاجة من أول صباح الخير لحد التضحيات.
⁦⁩الاعتذار: هو أن الراجل مش بيعتذر اعتذار صريح إلا إذا كان بيحب شريکة حياته من قلبه، أو أما يكون حاسس إنه اتسبب فى كارثة للست.
⁦⁩الضعف: الضعف اللي بيسبب انكسار وذل الراجل لما زوجته تطلب منه حاجة خارج مقدرته.

⁦⁩الراجل بيحب يعيش اليوم بيومه مش زي الستات إطلاقاً اللي عندهم فلسفة النظر وتشكيل المستقبل.

⁦⁩الصمت: وإن الرجالة بتحب دائما السكوت عن الكلام الكتير، و ده لأنه بيحب يفصل عن الدنيا، عندهم ما يُسمي ب”صندوق اللا شيء”، ومش معنى كده إنه ببكره زوجته أو بيفكر ينتقم زي ما الستات بتفگر.

⁦⁩الاهتمام الزائد أو القليل بيخلي الراجل يبص لبره ويشوف زوجة تانية ليه؟ لإن بديهي الرجالة ماشية بمبدأ “إمرأة واحدة على خط العمر لا تكفي “.

⁦عمل الراجل هو أولى أولوياته فى حياته؛ فمش كل حاجة زوجته.

⁦⁩الغيرة: هو إن الراجل بيغير لما تكون اصدقاء الزوجة أو حد من معارفها يعرف عنها حاجات هو ما يعرفهاش.

⁦⁩كمان الراجل بيحب قعدة الصحاب لانها بتكون مغيرة المود ومش هيطالبوه بمسؤليات.

⁦⁩الراجل بيحب الشخصية في الست تكون قوية، لكن بيكره الندية تماماً.
’”””””””””””””””””””
⁦⁩كذلك فى خمس حاجات الستات بتكرهها جدا.
⁦⁩التجاهل.
⁦⁩البخل.
⁦⁩ الخيانة.
⁦⁩المقارنة.
⁦⁩برود المشاعر وجفاف العواطف.
……………………..

نوعين من الستات لا ثالث لهما

النوع الأول: هو “مدرسة النفس الطويل” والنوع ده عاقل بيحب بعقله مش بقلبه نوع بيحسب كل حاجة، وببحلل كل حاجة من تصرفات الزوج وبيقدر يتعايش مع الزوج ويمتص غضبه، وبيحقق طموحاته على خطوات.

النوع الثاني: “مدرسة معنديش طاقة” والنوع ده كله طفولة بيحب بقلبه دائما ولاغي عقله، ليظهر مشاعره بصوت عالى دائماً سواء ضحك أو حزن أو غضب.

………………………
فيه نوعين من العشاق:
⁦⁦⁩”العاشق البدائي ” اللى مش بيحب بإحساسه، بيحب بالمنطق، المنطق وبس، بطيء في قرارته، بمعني استجابته بتجي متأخرة، مش وقتها، زي بحبك، وحشتني، دائما بيجيب خطأه على شماعة الشريكة.

⁦”العاشق المتطور” ده نوع مميز جدا بيطور من نفسه، سريعة القرارات، بيتحمل المسؤلية، استجابته بتكون فى الوقت المطلوب، دائما بتحس معاه بالأمان.

علشان كده فى فرق بين الاتنين، في منسوب الأنانية، طريقة الاستجابة للمشاعر، طرق حل المشاكل، الإحساس بالأمان أو الخذلان،.

دائما اختار اللى يشبهك فى عاداتك، فى طريقتك، علشان نستريح معاه، تحبه، متجهدش نفسك معاه، تحس إنكم الإتنين شخص واحد.
آخر حاجة هنتكلم عنها هي العقل المثير ⁦⁩ وهو شخصية الشخص العاشق المتطور، العقل اللى تحس معاه ب 3 حاجات:

⁦⁩الأمان: وهو الثقة فيه في كل حاجة.
⁦⁩ الاستمتاع: هو بيكون شخصية جذابة مرحة خفيفة الدم ملفته للأنظار.
⁦الاكتفاء: وهو مهما مر الزمن بالشريكين محدش يمل من التاني أبدا.
الحبيب المثالي هو “من يجعلك تقع في عالم نفسك أولا” ⁩.
ده كان تلخيص الجزء الاول، إن شاء نتكلم في الجزء الثاني عن “صناعة الونس”.

كن ذا أثر.

كتبه| هاجر الرفاعي

مقالات ذات صلة

زر الذهاب إلى الأعلى
إغلاق
إغلاق