متنوعنصائح

لماذا نفشل فى الحصول على مسيرة ناجحة

“لماذا نفشل فى الحصول على مسيرة ناجحة”

مدة المحاضرة: 15 دقيقة.

المحاضرة بتتكلم عن مجموعة من الأسباب اللي بتخلينا نفشل في الكارير أو الوظيفة بتاعتنا، وازاي إن كل النصايح
اللي بتقولك “اتبع شغفك” مش بتنجح معاك؟!

ببساطة أنت ممكن تكتشف شغفك فعلاً ومع ذلك تفشل برضو؛ والسبب يرجع للكسل والخوف. أنت لقيت شغفك بس
خايف تبدأ فيه لحسن تفشل فتقوم تخلق لنفسك أعذار وتصدقها وتمشي وراها وأنت ضميرك مرتاح.

من ضمن الأسباب دي:

1- الحظ:

اعتقادك إن النجاح حظ، الناس اللي حققت النجاحات دي كل الحكاية إنهم محظوظين. فأنا هستنى لما أبقى محظوظ
بقى.

2- العبقرية:

أيضًا البعض لما بيقرأ سيرة الأشخاص الناجحين زي ستيف جوبز مثلاً يقولك طب ده ستيف جوبز بجلالة قدره
طبيعي ينجح .. ده واحد عبقري، أما أنا كتكوت ضعيف الجناح! النجاح محتاج ناس عبقرية والـ IQ بتاعها عالي.

3- الجنون:

ناس كتير بتربط الأشخاص الناجحين بالجنون، يعني أي شخص نجح في حياته ده شخص غريب الأطوار وبيتصرف
تصرفات غريبة، عنده ربع ضارب يعني. وأنا مش عايز أكون زيهم، أنا عايز أكون شخص طبيعي.

في بعض الأحيان ربنا يكرمك وتكتشف شغفك وبرضه تفشل، إيه السبب؟!

السبب هو إنك بعد ما بتكتشف شغفك تبدأ في اختلاق عذر جديد وصعب تتخلص منه..

النجاح بيتَطلب ايه؟

– إني أنعزل عن الناس.

– أنام 4 ساعات بس.

– أبقى شخص غريب الأطوار ونيرد.

– أبقى انطوائي مليش أصدقاء ولا أي علاقات اجتماعية.

– مبعملش أي حاجة في حياتي غير إني مركز ع الهدف اللي عايز أوصله.

كل الأسباب دي بتخليك تقول لنفسك في خلال طريقك لتحقيق النجاح هخسر حياتي كإنسان وهخسر أهلي وأصحابي
وأولادي كمان.. لأني هبقى مشغول ومنعزل بتحقيق هدفي!

الحقيقة الكلام ده مش صحيح أصلاً ونظرتك للنجاح بالشكل ده نظرة خاطئة، عقلك بيخلق لك عذر قوي بحيث إنه
يقنعك بيه ويخليك كمان تدافع عنه.

«لماذا تنظرون إلى العلاقات الإنسانية كملجأ وكعذر لكم لكي لا تسعَوا وراء طموحاتكم؟».

«أنتم تخافون من السعي نحو شغفكم خوفا من أن تَبدوا مثيرين للسخرية، تخافون من المحاولة، تخافون من الفشل».

النصيحة اللي بتقدمهالك المحاضرة هو إنك تدور ع شغفك وبعد ما تلاقيه تبدأ في تحقيقه والسعي وراه دون اختلاق أي أعذار وحلول لسؤال لماذا نفشل فى الحصول على مسيرة ناجحة.

لينك المحاضرة من هنا .

#استعد_ثم_انطلق

كتبه/ هشام فرج

اقرا ايضا: تخلص من التسويف فى عشر دقائق

مقالات ذات صلة

زر الذهاب إلى الأعلى
إغلاق
إغلاق