اسباب الفشل في المسار الوظيفي و كيفية النجاح فيه
“اسباب الفشل في المسار الوظيفي و كيفية النجاح فيه”
مدة المحاضرة: 15 دقيقة.
محاضرة “اسباب الفشل في المسار الوظيفي و كيفية النجاح فيه”
المحاضرة بتتكلم عن مجموعة من الأسباب اللي بتخلينا نفشل في الكارير أو الوظيفة بتاعتنا، وازاي إن كل النصايح اللي بتقولك “اتبع شغفك” مش بتنجح معاك؟!
ببساطة أنت ممكن تكتشف شغفك فعلاً ومع ذلك تفشل برضو؛ والسبب يرجع للكسل والخوف. أنت لقيت شغفك بس خايف تبدأ فيه لحسن تفشل فتقوم تخلق لنفسك أعذار وتصدقها وتمشي وراها وأنت ضميرك مرتاح.
من ضمن الأسباب الفشل في المسار الوظيفي
1- الحظ:
اعتقادك إن النجاح حظ، الناس اللي حققت النجاحات دي كل الحكاية إنهم محظوظين. فأنا هستنى لما أبقى محظوظ
بقى.
2- العبقرية:
أيضًا البعض لما بيقرأ سيرة الأشخاص الناجحين زي ستيف جوبز مثلاً يقولك طب ده ستيف جوبز بجلالة قدره
طبيعي ينجح .. ده واحد عبقري، أما أنا كتكوت ضعيف الجناح! النجاح محتاج ناس عبقرية والـ IQ بتاعها عالي.
3- الجنون من أسباب الفشل في المسار الوظيفي
ناس كتير بتربط الأشخاص الناجحين بالجنون، يعني أي شخص نجح في حياته ده شخص غريب الأطوار وبيتصرف
تصرفات غريبة، عنده ربع ضارب يعني. وأنا مش عايز أكون زيهم، أنا عايز أكون شخص طبيعي.
في بعض الأحيان ربنا يكرمك وتكتشف شغفك وبرضه تفشل، إيه السبب؟!
السبب هو إنك بعد ما بتكتشف شغفك تبدأ في اختلاق عذر جديد وصعب تتخلص منه..
النجاح بيتَطلب ايه؟
- إني أنعزل عن الناس.
- أنام 4 ساعات بس.
- أبقى شخص غريب الأطوار ونيرد.
- أبقى انطوائي مليش أصدقاء ولا أي علاقات اجتماعية.
- مبعملش أي حاجة في حياتي غير إني مركز ع الهدف اللي عايز أوصله.
كل الأسباب دي بتخليك تقول لنفسك في خلال طريقك لتحقيق النجاح هخسر حياتي كإنسان وهخسر أهلي وأصحابي
وأولادي كمان.. لأني هبقى مشغول ومنعزل بتحقيق هدفي!
الحقيقة الكلام ده مش صحيح أصلاً ونظرتك للنجاح بالشكل ده نظرة خاطئة، عقلك بيخلق لك عذر قوي بحيث إنه
يقنعك بيه ويخليك كمان تدافع عنه.
«لماذا تنظرون إلى العلاقات الإنسانية كملجأ وكعذر لكم لكي لا تسعَوا وراء طموحاتكم؟».
«أنتم تخافون من السعي نحو شغفكم خوفا من أن تَبدوا مثيرين للسخرية، تخافون من المحاولة، تخافون من الفشل».
النصيحة اللي بتقدمهالك المحاضرة هو إنك تدور ع شغفك وبعد ما تلاقيه تبدأ في تحقيقه والسعي وراه دون اختلاق أي أعذار وحلول لسؤال لماذا نفشل عند الحصول على مسيرة ناجحة.
لينك محاضرة اسباب الفشل في المسار الوظيفي و كيفية النجاح فيه من هنا .
#استعد_ثم_انطلق
اقرا ايضا: تخلص من التسويف فى عشر دقائق
كتبه/ هشام فرج