منصة رواق افضل موقع كورسات مجانا في الوطن العربي 2020
ماهي منصة رواق
في الوقت الحالي ومع وجود ڤيروس كورونا والحجر المنزلي، مافيش قدامنا طريقة نطور بيها من مستوانا ونستغل بيها وقتنا غير الكورسات الاونلاين، ولأننا نسعى لتوصيل أكبر عدد من الكورسات المجانية ليك قررنا نستغل وجود منصة كبيرة زي منصة رواق ونشرح لك طريقة الاستفادة منها.
في البداية رواق كانت تغطي تخصصات محدودة جدًا، لكن حاليًا أصبحت من المنصات العربية التي تقدم محتوى أكاديمي في جميع التخصصات وجميع الدورات ومن خلال متخصصين أكاديميين، بشرح مبسط وفيديوات لا تتعدى ال15 دقيقة وشهادات معتمدة.
إقرأ أيضا :-
ماهو الفري لانسر واهم 5 مواقع فري لانسر 2020
والفترة الحالية بتقدم عدد كبير جدًا من الكورسات المجانية باللغة العربية في مجالات مختلفة زي:
اللغات.
الادارة والاقتصاد.
الموارد البشرية.
العلوم والتكنلوجيا.
التسويق.
البرمجة.
كتابة المحتوى.
الهندسة الطبية.
الثقافة والفن.
الطب.
الصحافة والإعلام.
التربية والتعليم.
التاريخ.
ريادة الأعمال.
وغيرها من المجالات المسيطرة على سوق العمل الفترة دي.
خطوات التسجيل في موقع رواق للكورسات المجانية
عشان كدا هنقولك إزاي تسجل في منصة رواق من الألف إلى الياء، وإيه هي أفضل كورسات المنصة بتقدمها.
إزاي أسجل في رواق؟
ممكن تسجل عن طريق، gmail أو، twitter أو، facebook account و أفضل طريقة هي التسجيل بالـ gmail
أول حاجة هتحتاجها هي إن يكون عندك بريد إلكتروني عشان تسجل من خلالة سواء چيميل، أو فايسبوك، أو تويتر.
بعد كدا هتفتح المنصة من هنا
وتضغط على( انضم لرواق الان ) وتبتدي تسجل اسمك والبريد الإلكتروني وكلمة السر، وتعيد كتابة كلمة السر مرة ثانية للتأكيد.
اضغط على i’m not a robot بعد كدا تضغط على اشتراك.
كدا تم الاشتراك، ولكن عشان حساب رواق يتفعل سيتم إرسال رابط في إيميل ليك على البريد اللي سجلت بيه، ادخل على الملف واضغط تأكيد الحساب.
دلوقتي تقدر تسجل في أي كورس من كورسات رواق حسب تخصصك واهتمامك.
إزاي أسجل في الدورات واستلم الشهادة؟
من مميزات منصة رواق إن كل حاجه فيها منظمة جدًا، يعني أول لما تفتح الموقع بعد التسجيل هتلاقي الدورات الحالية متجمعة لوحدها، والمرتقبة موجودة في سيكشن لوحدها، والمؤرشفة هكذا في جميع التخصصات.
دا بالإضافة إلى السيرش اللي تقدر تبحث فيه عن المجال اللي محتاج فيه كورس، وتحدد كل التفاصيل اللي محتاجها فيه.
خطوات التسجيل هي :
اضغط على الكورس المراد الالتحاق به.
ثم اضغط على (التحق بالمادة الآن).
اضغط على محتويات المادة وابدأ الكورس.
وبعد الانتهاء من المحتوى وحل الاختبارات اضغط على ( عن المادة ) واستلم الشهادة.
إقرأ أيضا :-
افضل7 كورسات فرنساوى للمبتدئين علي اليوتيوب
أفضل الدورات المجانية المتاحة في بعض المجالات
1- كتابة المحتوى لتصميم تجارب المستخدمين.
محاور الكورس:
التداخل بين الكتابة لتجربة المستخدم والمصطلحات الأخرى، ومعرفة دور كاتب محتوى تجارب المستخدمين، وقواعد كتابة محتوى المستخدم.
2. كورس برمجة الذات (الإنتاجية للفرد).
ومن خلال الكورس دا هتتعلم: إدارة الذات وأهميتها، وكتابة خطة حياة والقضاء على التسويف.
3. كورس خاص بمعلمي القرآن الكريم لغير الناطقين باللغة العربية.
المستوى الأول من هنا .
هتتدرب فيه على شرح المناهج القرائية العربية باللغة الانجليزية زي: نور البيان، والقاعدة النورانية، ومنهج فتح الرحمن.
المستوى الثاني من هنا .
في المستوى دا هتتعلم شرح دروس التجويد باللغة الانجليزية، والتطبيق العملي لتلاوة القرآن للأجانب.
وهيتم قريبا التدريب على شرح معاني قصار السور باللغة الانجليزية في المستوى الثالث.
4. كورس تأهيل معلمي العربية لغير الناطقين بها.
هتتعلم في الكورس دة إزاي تأهل نفسك لتعليم اللغة العربية لغير الناطقين بها، وإزاي تبدأ في المجال، وهتتعلم إزاي تتعامل مع أي شخص يتعلم اللغة العربية كلغة ثانية من غير ماتستخدم لغة وسيطة في الشرح.
اغلبنا حاليا بيشتغل من البيت سواء freelancer، أو موظف عشان كدا الكورس دا هيعلمك .
ولسه في كورسات تانيه كتير وفي مجالات تانيه والشرط الوحيد للتسجيل في اي كورس منهم هو الشغف بالمجال فقط عشان كده ننصحك ان تستغل الفرصه وتكتشف اهتماماتك وشغفك وتاخد خطوة لتطوير نفسك بالمجان
ولسه في كورسات تانيه كتير، وفي مجالات تانية، والشرط الوحيد للتسجيل في أي كورس منهم هو الشغف بالمجال فقط، عشان كدا ننصحك إنك تستغل الفرصة وتكتشف اهتماماتك وشغفك وتاخد خطوة لتطوير نفسك بالمجان.
إقرأ أيضا :-
افضل 4 مواقع كورسات اون لاين مجانا وكيفية الحصول علي شهادة 2020