ازاي تبدأ في مجال المبيعات؟

ازاي تبدأ في مجال المبيعات، وأنت مش دارس تجاره! المبيعات فن حقيقي، ومفيش له قاعدة محدده للنجاح، ولكن فيه أسس عشان ندخل في المجال دا وننجح فيه لازم تكون عندنا.

وعشان تتعلم ازاي تدخل في مجال المبيعات أو أي مجال غيره، لازم تعرف ايه هو المجال دا وبيتكلم عن ايه؟

المبيعات| sales:

هو التعامل المباشر مع العميل واقناعه بشراء خدمة أو منتج معين يحتاجه حقاً مقابل سعر محدد. من أشهر ما يُقال عن العاملين في مجال المبيعات إنهم “المفتاح” لأنهم يدخلون العائد المادي للشركة.

وكأي مجال له تخصصات، وتقسيمته الأشهر هي؛

تخصصات المبيعات:

• B2B أو Business to Business: مندوب المبيعات يبيع إلى شركات.
• B2C أو Business to consumer: مندوب المبيعات يبيع إلى المستهلك.

البيع فن يعني عملية ممنهجة مش عملية عبثية.

سير عملية البيع:

عملية البيع بيكون ليها عدة مراحل وليست عملية لحظية سريعة أو غير مبنية على أساس منهجي.

1. تجميع بيانات العملاء سواء شركات أو افراد.
2. التواصل مع العملاء عن طريق الايميلات او الاتصال الهاتفي لتحديد موعد لمقابلتهم.
3. المقابلات الشخصية مع العملاء، والتي يجب أن تكون في أفضل مظهر لأنك ممثل الشركة امامهم.
4. التحدث مع العميل والتفاوض معه.
5. تتميم عملية البيع مع العميل.
6. المتابعة معه بعد هذه العملية وإقامة علاقة طيبة معه؛ لتكوين علاقات جديدة تزيد من فرص علاقاتك وارباحك فيما بعد.

وأرجح لك كتاب الماركتينج من الاخر لحسام حسان، هيفيدك جدًا فيه عمليات البيع بدقة أكبر في الفصل الرابع.

كتاب الماركتينج من الآخر

كل اللي فات كان عن المجال بشكل سريع، وحالياً هنتعرف معاكم على النقاط الأهم..

مين اللي ممكن يدخل مجال المبيعات:

البيع مش حكر على حد دون الأخر. يعني خرجين تجارة مش هما بس اللي يحق ليهم العمل في المبيعات، وممكن جدًا لأي حد يدخله. هثبت لك ازاي..

البيع زي كتير من العمليات يحتاج مهارات، ولأن المهارات يمكن اكتسابها وتعلمها.

إذن ممكن لأي حد يتعلم “ازاي يكون بياع” بأنه يشتغل على اكساب نفسه هذه المهارات.

ومن مهارات البائع المحترف:

1. “المثابرة (try & error)”، من مهارات البائع المحترف
2. “الشخصية”، أي أنك تكون تمتع بشخصية قوية، جريئة، صادقة.
3. “السعي”، اهم شيء في البيع هو السعي؛ لأنه القيمة التنافسية الحقيقية بين كل العاملين في مجال البيع؛ لأنه بيميز بين البائع الشاطر وبين البائع الكسول المغرور-من اسوء شخصيات البيع لأنه بيتغر بذكاءه وقدرته على تحقيق التارجت-. والنصيحة الأهم لازم تسعى دائما الى تطوير نفسك.
4. “العلم والمعرفة”؛ لتواكب عقل العميل وتكون مقارب لمستواه الفكري، لازم يكون عندك معرفه بعده مجالات؛ هيتحقق بالقراءة في أمور مختلفة، أما العلم فعلى سبيل المثال تعلم لغة أخرى غير لغتك.
5. “فاهم مش حافظ”، يعني يجهز جيداً قبل مقابلة أي العميل، ويكون فاهم اجاباته ومتأكد منها. 
6. يحب المجال وينتمي ليه “أه، أنا بائع”

نروح للسؤال الأهم. “ازاي ادخل مجال المبيعات!”.

ازاي تدخل مجال المبيعات:

مفيش غير نصيحة واحدة (أنزل ودور عن أي شغل متعلق بالمجال وابدأ فوراً) -مفيش وقت للبحث عن الفرصة المثالية-.

الشغل بيجيب شغل.

الملخص:

• البيع يعني التعامل المباشر أو الغير مباشر مع العميل، وقدرك على اقناعه بمنتجك -اللي محتاجه أياً كان ايه هو- مقابل شيء ما.
• لا يسير البيع في عبثية إنما في خطوات متسلسلة.
• أي حد يقدر يدخل مجال البيع لأن ليه مهارات يقدر يتعلمها ويطور منها.
• ابدأ فورًا ودور على عمل بالمجال وإوعى تستنى الفرصة الذهبية.

أقرء ايضًا

ازاي تبيع أي حاجة لأي حد في أي وقت؟

ملخص سريع لأشهر و أهم الكورسات : تعلم كيف تتعلم!

المصادر

1. Unlocking The True Definition Of Sales
2. الفرق بين التسويق والمبيعات ومعوقات كل منهما
3. What is B2B Sales
4. كتاب ماركتينج من الآخر
5. من نصائح (د| شادي الزيات) رئيس القطاع التجاري لشركة OUD، في أحد محاضراته الالكترونية على الفيسبوك.

كتبته: مريم مصطفى