تأثير التكنولوجيا على البطالة وهل بتزودها ولا بتقللها ؟
عرض بسيط فى المقال دة عن التكنولوجيا والبطالة وتأثير التكنولوجيا على فرص العمل وهل التكنولوجيا حسنت فرص العمل ام انها سببت فى زيادة البطالة؟
تأثير التكنولوجيا على البطالة وهل بتزودها ولا بتقللها؟
كلنا شفنا التطور التكنولوجي اللي بنعيشه و ازاي بيأثر علي اختفاء منتجات معينه و ظهور منتجات تانيه.
طرق بيع و تسويق و ظهور طرق تانيه ، اختفاء وظائف و ظهور وظائف جديدة وبذلك التغيير دة أدى الي
الاستغناء عن الطرق القديمة لمجالات مختلفة تم استبدالها بالتكنولوجية.
وتقدر تتعلم التسويق من الصفر من هنا.
هل التكنولوجيا بتستبدلنا ؟هل الالة بتحل محل الانسان؟
خلينا نتفق ان التكنولوجيا من اهدافها توفير الوقت و التكلفه و المجهود لاتمام مهمه معينه .
فبالتأكيد وجود الChatBot حل محل كتير من للCustomer service agents و غيرها حاجات تانيه كتير.
أمثلة لتوضيح تأثير التكنولوجيا على بعض المجالات:
- اوبر اثرت علي التاكسي و سويفل اثرت علي الميكروباص و نتفليكس اثرت علي شركات الانتاج
- و يوتيوب اثرت علي قنوات التليفزيون
- وانغامي اثر علي صناعة الموسيقي و قنوات الموسيقي و الراديو و صناعة الكاسيت و الاسطوانات
- و فيسبوك اثر علي صناعة الاعلانات التقليدية.
تأثير التكنولوجيا على البطالة:
لكن ده مش معناه بطاله اكتر ، ده معناه فرص اكتر في اتجاهات جديدة ،
- اوبر فتحت الاف فرص العمل لناس كتير مكنش عندها دخل ثابت او قدرت توفرلهم دخل اضافي
- يوتيوب فتح فرص لكل صانعي المحتوي انهم يبانو و يظهرو .
- جوميا و سوق فتحو فرص لالاف البائعين انهم يبيعو اكتر و يكسبو اكتر
- وانستجرام فتح الباب لالاف المصنعين الصغار انهم يبيعو منتجاتهم عليه .
لذلك كل ما سبق ذكره فتح فرق توظيف لمجالات كتير لكن كلها غير المتعارف عليها سابقا،
علي سبيل المثال مجال البرمجه و الMobile App development و الWebsite development .
وتقدر تقرأ عن أهمية البرمجة فى المستقبل من هنا.
سوق الاعلانات الجديد بقي عايز وظائف جديدة زي الMedia Buyer . Content Creators , Seo specialists , social media specialists
وتقدر تعرف إزاى تبدأ فى مجال social media specialists من هنا.
و سوق التجارة الالكترونيه اللي فتح فرص Customer support و Operations و Business analaysis
و زيادة الطلب علي الاونلاين ودة احتاج شركات شحن فبتعين Logistics Coordinators و Business Developers و Data Analaysis .
وتقدر تاخد كورس فى مقدمة ال Data Analaysis من هنا.
كل دي فرص خلقتها التكنولوجيا و اكتر بكتير ، فالواقع بيقول ان التكنولوجيا زودت الفرص مقللتهاش، لكنها غيرت من شكلها و بقت محتاجه مهارات مختلفه عن الوظائف التقليدية اللي اتربينا عليها .
لذلك اعرف الجديد و اشتغل عليه عشان يبقالك مكان وطور من نفسك واكتسب معلومات ومنهجيات جديدة فى المجال اللى شايفه مناسب ليك .
كتبه| نديم بركات