كيفية تنظيم الوقت خلال الدراسة
دراسة ومذاكرة وواجبات دراسيّة، مفيش وقت كافئ!! دى الحُجة اللى بنطرحها كلنا خصوصاً أثناء الدراسة. مفيش وقت كافئ للنوم والراحة، مفيش وقت كافئ لممارسة أى نشاط، مفيش وقت كافئ حتى لكل المواد.وبتفضل فكرة كيفية تنظيم الوقت خلال الدراسة بطاردنا .
إزاى أنظم وقتى؟!!
فى البداية خلينى اقولك انه علشان تقدر تحقق أى تفوق أكاديمى فى مجال الدراسة أو ف أى مجال من مجالات التعليم الذاتى أهم عنصر بيواجهك هو عنصر المذاكره وعلى الرغم من كدا ف أنت بتقابلك عقبة كيفية تنظيم الوقت خلال الدراسة. إنك مش لاقى وقت كافئ علشان تقدر تقوم بمذاكرة كل المواد. ف خلينا نشوف بعض الحلول اللى تساعدك ف تنظيم وقتك خلال فترة الدراسة.
أولاً : قائمة المهام وكيفية تنظيم الوقت خلال الدراسة
قائمة المهام هيا طريقة ممكن تبقى شايفها تقليدية وغير مجدية ولكن هيا بتعتبر احدى اقوى الطرق اللى بتعبر عن كيفية تنظيم الوقت. و دا لإنك هتقدر تحدد الوقت اللى هتحتاجه كل مادة من المواد ومين فيهم هيحتاج النصيب الأكبر. وجود مهام مفروض تقوم بيها بيخليك ملتزم وبتساعدك على تحديد أمورك بشكل فعال.
ثانياً : حدد أولوياتك
لو الخطوة الخاصة بكتابة المهام هى الخطوة الأولى علشان تقدر تستغل وقتك. ف تحديد أولويات كل مهمة هى الخطوة التانية. رتب المهام بتاعتك من حيث المهم ف الأهم.
وحاول تكتشف المهام والأنشطة اللى قيمتها عالية وهيكون ليها أثر إيجابى عليك.
ثالثاً : أهدافك لكى تتعلم كيفية تنظيم الوقت خلال الدراسة
حاول طول الوقت تحط أهداف المدى بتاعها قصير مش طويل.
اهدافك الصغيرة بتتمثل فى أنك تقفل امتحان أو تحضر لدرس معين أو انك تحل كم كبير من مادة معينة أن تشمل اجتياز الإختبار في نهاية الأسبوع أو إنهاء البحث المطلوب منك خلال أسبوعين أو التحضير لعرض تقديمي بعد 10 أيام. يمكن كذلك تقصير تلك الأهداف إلى أهدافٍ أصغر لكل يومٍ بيومه.
الاهداف طويلة الامد وتاثيرها
ممكن الأهداف طويلة الأمد تشمل الحصول على المجموع اللى يدخلك كلية أحلامك أو إنك تحصُل على منحة دراسية في بلد أجنبية أو تحصُل على وظيفة بتحلم بيها. وبيمكنك تقسيم الأهداف إلى أهداف أصغر لكل أسبوع أو شهر علشان تقدر تتحكم فيها بشكل أفضل.
وأتاكد إنك تعرف مقدار الوقت اللى هتحتاجه بالظبط علشان تحقق كل هدف من الأهداف دى. أكتب كل البيانات اللى هتعتمد عليها واحسب عدد الأيام والأسابيع والشهور اللى هتحتاجها.
رابعاً : خصص وقت لأى نشاط غير الأكاديمى.
خصص وقت لعائلتك وأصدقائك و جوانب تانية غير الجوانب الدراسية ودا لأن النجاح الأكاديمى لا يتحقق الإ فى حالة وجود توازن بين حياتنا الشخصية وحياتنا الأكاديمية. إملأ جدولك بالإلتزامات الهامة زى التدريب الرياضى. خصص وقت مناسب للنوم والراحة. حدد عدد الساعات اللى بتدرس فيها حاليا. عدد الساعات اللى بتقضيها فى الترفيه. عدد الساعات اللى بتقضيها مع عائلتك.وخصص من 30 الى 45 دقيقة لكل حصة زمنية فى الجدول ودا هيسهل عليك كتير جدا.
خامساً:تخلص من المشتتات” من اهم خطوات كيفية تنظيم الوقت خلال الدراسة”
عدد كبير من الخبراء بينبه على إنه لازم تتخلص من المشتتات لإنها بتساهم فى إشغال وقتك وتعطيلك عن القيام بمهامك. وحاول انك تحصل على مفكرة تتمكن من خلالها طرح المواضيع التى ستقوم بها والوقت الذى ستحتاجه.
سادسا: قيم جدولك طول الوقت
بيعتبر تقيم جدولك من أهم عوامل تنظيم الوقت للدراسة بفاعلية، إنك تراجع جدولك الدراسى كل أسبوع وتبدأ تعدل عليه حسب الحاجات الجديدة اللى طرأت عليك زى ظهور إمتحان مفاجئ أو درس مختلف وبالتالى لازم تعطيه الأهمية والأولوية. وبالتالى هتتمكن من تقييم طريقة إستغلالك للوقت وتحدد النقط اللى بتحسن من أدائك.
فى النهاية :
أنت المسئول عن السعى .وبالتالى حاول تسهل على نفسك الطريق. أستغل وقتك بأفضل شكل من الأشكال. حاول تلاقى نشاطات ترفيهيه مختلفة تساعدك على توسيع مدى قدرات عقلك وتشجعك على الدراسة. حدد وقت للراحة والخروج مع أصدقائك والجلوس مع عائلتك. ولا تنسى أن الوقت كالسيف.
كتبه: غادة تركى
اقرا ايضا :
عشر طرق لكى تتستخدم وقتك بشكل صحيح
كيفية وضع خطة مناسبة لممارسة الدراسة بشكل افضل