تعلم اللغة الانجليزية للمبتدئين من الصفر

عزيزى القارئ لابد وانك يأست من محاولاتك لتعلم الانجليزية ومن التسويف وكثرة المشتات، فيوجد العديد من المصادر والدورات على الانترنت لكن بطريقه عشوائيه غير ممنهجه.

والكثير منهم لا يلتزم بخطه سليمه تضمن الاستمرارية فى التعلم لذلك فى هذا المقال ستجد ماهو مناسب لبداية صحيحه خاليه من التشتيت.

وسوف نعرض لك المشاكل التى مر بها متعلمين الانجليزيه وحلول لها لعلك تجد نفسك بين تلك المشاكل.

تحديد سبب تعلمك اللغة الانجليزية :

لكن قبل أى شئ يجب أن تحدد السبب الرئيسى من تعلمك للانجليزية، هناك من يريد التعلم من أجل الدراسة، العمل، والسفر فنجد أن 25% من سكان العالم يتحدثون اللغة الانجليزية وبالتالى ف هى اللغة المشتركه، وأيضا من أهم أسباب دراسةالانجليزيه هى تعلم شئ معين بشكل احترافى مثل الجرافيك اوالفوتوشوب ف لن تجد أفضل من المحتوى الانجليزى و بالتالى أصبح تعلم الانجليزيه ضرورى وليس من باب الرفاهيه.

معرفة مستواك فى اللغة قبل بداية التعلم :

لازم تحدد مستواك فى الانجليزى وفيه اختبارات كتير موجوده وأهمها الاختبار المقدم من كامبريدج هتلاقيه هنا ، عشان تعرف انت فين وايه المستوى اللى المفروض تبدأ من عنده وبعد ماتقدر تحدد مستواك تعال نشوف مع بعض المشاكل اللى هتواجهك وانت بتتعلم انجليزى.

بعض المشاكل فى تعلم اللغة الانجليزية للمبتدئين من الصفر

أول مشكله بتواجه متعلم اللغة الانجليزية (البداية من الصفر):

لما بنقول ان الكورس بيبدأ من الصفر ف احنا هنا بنقصد الصفر فعلا، يعني من البدايه خالص، من الكلمات والهجاء ,ودى مشكله بتواجه كتير مننا ان بنلاقى معظم الدورات مش بتبدأ من الصفر وبالتالى، مش بيكون عندنا حصيله لغويه كويسه تساعدنا ف فهم الناس و الترجمه وشرح وجهة نظرنا بطريقه بسيطه وبأقل قدر من الكلمات.

ونا جبتلكم أهم 4000 كلمة هم جوهر اللغة الانجليزية من هنا

ودول أهم 3000 جملة فى اللغة الانجليزية وهيساعدوك بشكل كبير فى تقدم مستواك هتلاقيهم هنا

ودى قوائم كلمات مفيده جدا شوفهم من هنا

ودا من أهم الكتب لدراسة الانجليزى من الصفر هتلاقيه هنا

تعلم اللغة الانجليزية للمبتدئين

تانى مشكلة بتواجه متعلم اللغة الانجليزية (الاستماع والنطق):

مشكله الاستماع ( listening ) دى انا بعتبرها حجر الاساس فى تعلم الانجليزي وبنحلها عن طريق اننا نشوف مسلسلات وافلام اجنبى كتير وفيه خطة هقولك عليها وانت بتشوف فيلم تعملها؛ مش شرط تسمع الفيلم كله عشان تطبق الكلام داممكن تسمع مثلا خمس دقايق ودول كتير جدا ع فكره متفكرهمش قليليين .

هتشوف فيلم اجنبي انت عارفه هتطبق عليه الاربع خطوات دول:

١- انك تسمع الفيلم بالترجمه العربى وتركز اوى وانت بتسمعه

٢- انك تسمع الفيلم بترجمه انجليزي وتركز برده مع الكلام،والكلمات الجديده عليك تكتبها فى نوت تخصصه للافلام .

٣- انك تسمع الفيلم بترجمه عربي وانجليزي مع بعض عشان تشوف الترجمه وتقارن وتشوف كمان تكوين الجمل.

٤- ودي اخر خطوه انك تسمع الفيلم من غير ترجمه، هتسمعه من غير subtitle وتحاول انت تترجم لنفسك وانت بتسمع.

حدد مثلا وقت يوميا ربع ساعه او نص ساعه تجرب فيهم الخطة دى وفى اخر الاسبوع هتشوف النتيجة.

ومن اكتر الافكار اللى لاقيتها جديده ومفيده جدا عن تجربه هى الالعاب الاون لاين، اننا نتكلم مع ناس لغتهم الام هى الانجليزى ونعمل معاهم محادثات دا بيساعد بشكل كبير فى تحسين مهاره النطق والاكسنت بيبان طبيعى جدا مش مصطنع، وتطبق اللي انتي بتتعلمه لو حتي هتعمل ريكودات لنفسك وتسمعها هتلاحظ فرق بعد كدا فى ان لسانك بدأ يتعود على النطق الصحيح.

وتقدر تتدرب على الكلام وتبادل اللغات من هنا وتعمل محادثات من هنا

وخليك عارف

تعلم اللغة الانجليزية للمبتدئين

تالت مشكله بتواجه متعلم اللغة الانجليزية (القواعد):

كتير مننا بيتعلم القواعد غلط وبيجيب القاعده يحفظها وبكدا بيكون دارس قواعد لكن أهم حاجه هى التطبيق

وزى ماحنا بنتلكم بالعامية ف الاجانب كمان بيتكلموا عاميه، يعنيى مش لازم تكون الجمله صحيحه ميه فى الميه فى القواعد، عشان كدا جبتلكم كتاب مبسط جدا لشرح القواعد بالعربى وبطريقة سهله عن طريق وضع الأمثله والتطبيق على القواعد و هتلاقيه هنا

وجبتلكم مجموعة من القصص القصيره لما تقرأوها هتعرفوا تطبقوا القواعد بطريقة سليمة:

The tell tale heart

A haunted house

The night train at Deoli

ومن أهم القنوات اللى بتشرح القواعد بطريقة مبسطة وبتقدم كورسات مجانية

قناة ابراهيم عادل هتلاقيها هنا

قناه عمر عبدالرحيم هتلاقيها هنا

قناه دروس أون لاين هتلاقيها هنا

تعلم اللغة الانجليزية للمبتدئين
تعلم اللغة الانجليزية للمبتدئين

أفضل الكورسات لتعلم اللغة الانجليزية مجانا

-من أفضل الكورسات الاون لاين الكورس المقدم من قناة (ZAmerican English)، ابراهيم عادل عامل القناة مستويات بداية من الصفر، أول مستوى هتلاقى فيه كورسات للمحادثة والاستماع والقواعد والكتابة، مغطيين أهم النقاط في اللغة الإنجليزية، ادخل على أي مستوى فيهم وخد حلقة واحدة في اليوم، مدتها 10 دقايق في المتوسط، ممكن تسمعها في أي وقت.

وممكن تنقل من كورس لكورس ما دمت في نفس المستوى. يعني مثلا بدأت بالحلقة الأولى في كورس الاستماع، ممكن بكرة تاخد الحلقة الأولى في كورس المحادثة، وبعده تاخد الحلقة الأولى في كورس الكتابة، وهكذا.طالما كلهم في المستوى الأول، وبعد ما تخلص كل الكورسات اللي في المستوى الأول ممكن تنقل على المستوى التاني بنفس النظام، بحيث ما تخلصش المستوى الأول إلا وأنت متقن المحادثة والاستماع والكتابة والقراءة اللي فيه
لينك القناة ع اليوتيوب والابليكشن هتلاقيهم هنا

-كورس الانجليزي المقدم من موقع الإذاعة الأمريكية VOA متكون من 40 درس صوتى وقت الدرس الواحد من 30 ل 60 دقيقة في اي وقت و في اي مكان و انت قاعد في البيت تقدر تشوف الكورس وتبدأ فيه مجانا الكورس بالكامل من هنا

لو بتحلم تاخد كورس English في ال Britishcouncil بس ظروفك المادية بتمنعك ف ايه رأيك لو قلتلك إن منصة إدراك بالتعاون مع الـ British council جابولنا كورس مجاني وشهادته مجانية، وهتذاكر وتمتحن وإنت قاعد ف البيت.

  • اسم الكورس : مهارات المحادثـة 1 للمبتدئين
  • المميز في الكورس 3 حاجات مش موجودين في أغلب الكورسات المجانية التانية 
  • أولا:- الكورس باللغة العربية مش كله English بالتالي الناس المتوسطة والمبتدئة مش هتتعب كتير.
  • ثانيا :- الكورس بالتعاون مع المجلس الثقافي البريطاني ودي أفضل مؤسسة بتعلم English في الشرق الأوسط. 
  • ثالثا :- هو سهـل كبدايـة لأي حـد ميعرفش أوي شغل الكورسات الأون لاين 

وهتلاقى كل حاجه هنا  

تعليم اللغة الانجليزية للمبتدئين
تعليم اللغة الانجليزية للمبتدئين


كتبته/ سهيلة أشرف العمروسى

اقرأ أيضا لنفس الكاتبه

كيف تواصل نجاحك

أكثر الكتب تأثيرا فى حياتنا 2021

لغة ال Python مدخل الى عالم البرمجة