أفلام لازم تشوفها لمن هم في العشرينات من العمر

من ضمن وسائل الترفيه لكتير منا هو مشاهدة الأفلام لكن ممكن يضيع وقت الترفيه بأفلام ليس لها أي قيمة أو معني لذا كان لازم أنه نعمل قائمة فيها أهم الأفلام اللي فيها مغزى أو معنى عشان نستفاد منها تحت عنوان ( أفلام لازم تشوفها).

جمعنالك 10 أفلام لازم تتفرج عليهم وخصوصاً لو انت عديت العشرين سنة،

الأفلام ديه جميلة جداً ولكن الأفلام ديه بتوصل رسالة أو معني لذلك لازم نركز في الفيلم عشان نفهم رسالته ولأنه ممكن يغير كتييير في تقكيرنا وحياتنا كما أنهم هيغيروا نظرتك لأي حاجة حواليك.

الأفلام ديه مفيهاش أياً من خيال علمي أو حرب في الفضاء أو جرائم حرب بل إنهم من الأفلام المؤثرة والمميزة في عالم السينما.

يلاا…نبدأ على بركة الله

أفلام لازم تشوفها

الأول كده جهز الفشار واللب وركز معايا..

1- A Christmas carol

أفلام لمن هم في سن العشرينات
أفلام لمن هم في سن العشرينات

أول فيلم معانا من سلسلة أفلام لازم تشوفها هو فيلم أنشودة عيد الميلاد

الفيلم ده لعشاق الأنيميشن من الأٌفلام المهمة جدا جدا جدا والمؤثرة جدا،

هذا الفيلم مقتبس من رواية تشارلز ديكنز ويحكي قصة شخص يدعى سكوردج كان لديه حب وعائلة،

كانت ثروته الوحيدة هي شغفه وأمله الوحيد في الحياة لكن بعد ذلك يفقد شغفه في الحياة وبعدذلك يزوره أربعة أشباح..

لازم تتقرج على الفيلم ده لأنه من الأفلام المهمة جداً.

2- The Pursuit of happiness

بص لو قعدت اتكلم عن الفيلم ده مش هخلص كلام..

لأن الفيلم ده لو اتفرجت عليه 100 مرة مش هازهق، الفيلم ده أبدع فيه ويل سميث وابنه في تصويره.

الفيلم مقتبس من قصة حقيقية تدور أحداثها في سان فرانسسيكو ويدو حول مندوب مبيعات ليس معه مال ولا مأوى،

ويحاول توفير حياة كريمة لابنه وإذ به يقرر المجازفة ويبدأ مهنة جديدة تقلب حياته رأساً على عقب.

الفيلم يدور في إطار درامي رائع و سيناريو جمييل جداً.

وممكن كمان تشوف ملخص لأهم لقطات الفيلم من خلال الفيديو ده

3- Into the Wild

من الأفلام التي ستؤثر بك طول الحياة، وستظل تشاهده لمدة طويلة.

من الأفلام التي ينصحونها بشدة للشباب الجامعي لأنه سيفتح لهم كثير من متاعب الحياة و يحعلهم يفهمون الحياة بصورة أفضل.

تخيل الأدوات التي كانت مع كريستوفر (بطل الفيلم) في رحلته التي تسمى برحلة البرية لم يكن معه سوى حقيبة وقبعة وكتاب وخرج ليكتشف الحياة الواقعية والحقيقية فتظل الحقيقة أروع وأعمقها تأثيراً.

من الأفلام التي نصحها الكثير لمن هم في بداية العشرينات أو من هم في مرحلة التخرج.

وأؤكد لك لا مجال للملل نهائياً.

أفلام لازم تشوفها (القسم الأول)

4- Taare zameen par

من الأفلام الهندية المحببة إلى قلبي كان لازم يتضاف للسلسة بتاعتنا ( أفلام لازم تشوفها)..

لما الدنيا تقفل معاك في كل حاجة ولما الناس كلهم يوصفوك بأنك فاشل،

أنصح وبشدة للآباء والمعلمين أنهم يتفرجوا على الفيلم هيغير من تفكيرهم كتييير.

يخرج مدرس يعرف الموهبة اللي جواك ومش بس كده ويطورك ويخليك تنجح فيها بشكل مذهل.

كل ما تحس إن الدنيا مقفولة معاك اتفرج ع الفيلم ده.

فيه فيلم تاني لنفس الممثل اسمه (3 idiots) من الأفلام الهندية الملهمة بشكل كبير ومش بس كده لأ وجايه في إطار كوميدي جداً.

5- Chef

خامس فيلم معانا من سلسلة ( أفلام لازم تشوفها) فيلم الطباخ.

من الأفلام اللي تخليك تجوع وانت بتتفرج عليها.

الفيلم فكرته بتدور عن إعداد الطعام والأكل و الطبخ وهو من الأفلام الترفيهية بإمتياز.

لكن الفيلم بيشجعك على التحرر من الوظائف الحكومية وبدء مشروعك الخاص و أنك تقدر تثبت إنك تقدر.

الفيلم تدور فكرته على أنك صاحب القرار بعد طردك من العمل إما ستنهار وتفسد عليك حياتك

أو تقرر أن اللحظة ديه تكون من أسعد لحظات حياتك وتضع نفسك على أول طريق الإستقلالية و الإبداع.

6- The King’s Speech

أفلام لازم تشوفها
أفلام لازم تشوفها

كل منا لديه عائق في طريقه للنجاح لكن القليل منا من يتغلب على هذا العائق.

هذا الفيلم يحكي عن الملك جورج السادس ملك بريطانيا، كان لديه عائق في طريقه ألا وهو خوفه من الكلام أمام الجمهور كيف وهو ملك بريطانيا.

وكانت بريطانيا في هذا الوقت لحاجة شديدة لملك قوي الحضور والشخصية ليواجه النازية في أوروبا آنذاك.

لازم تتفرج ع الفيلم عشان تشوف ازاي الملك اتغلب على هذا العائق.

أفلام لازم تشوفها (القسم التاني)

7- The theory of everything

الفيلم ده مقتبس من قصة حقيقة لعالم الفيزياء الشهير ستيفن هوكينج.

تخيل لو  انت عندك طموح وأمل وطاقة كبييرة جدا وبكلمة واحدة من دكتور هدملك كل الطاقة اللي عندك وبقى عندك يأس من الحياة ومن كل حاجة.

وفي وقت قااتل يظهرلك شخص يسندك ويأخذ بيدك و يبعث لك الطاقة والأمل من جديد.

الفيلم ده بيحقق مقولة ( وراء كل رجل عظيم امرأة).

8- A beautiful mind

من الأفلام الجميلة جدا.. وبرده بيحكي عن قصة حقيقة لعالم الرياضيات الحائز على جائزة نوبل ( جون فوربس) ورغم ذكائه الحااد إلا إنه كان بيتهيأله شخصيات وهمية بيقعد يتكلم معاهم وده كان بيبعد عنه كتيير من الناس.

لكن القدر تصادف مع واحدة مسابتهوش لحد ما عالجته وتحسنت حالته.

9- The Shawshank Redemption

من أهم الأفلام اللي معانا في سلسلة ( أفلام لازم تشوفها).

مفيش حد شاف الفيلم ومعجبوش، الفيلم بيحكي عن قصة آندي دوفرين الذي اتهم بقتل زوجته وعشيقته.

ولكن مع ادعاءه بالبراءة إلا أن الأدلة كانت ضده وحكم عليه بالسجن المؤبد.

ويحكي الفيلم عن أن آندي تكيف مع حياة المساجين و تعرف على شخص يدعى إليس.

الفيلم فكرته كاملة عن الأمل، وهل بجوار الحيطان الأربعة داخل السجن يوجد أمل؟.

الفيلم من الأفلام اللي لازم تشوفها ضرووري لأنه هيأثر فيك كتيير وهتندم أنك مشوفتوش قبل كده.

10- The Social Network

أخر فيلم معانا في السلسلة فيلم بيحكي عن إنشاء الشبكة الإجتماعية فيسبوك وعن الدعاوي القضائية ضده.

الفيلم بيحكي عن إنه ازاي الفكرة خرجت للنور وازاي قدر يسوق للموقع بطريقة متميزة جدا. من الأفلام الحلوة جداً في مجال التسويق.

النهاية

دول كانوا أهم عشر أفلام عرضناها في سلسلة اسمها ( أفلام لازم تشوفها).

هدفنا إن الترفيه برده يكون ذا قيمة ومغزى بل يعود علينا بالنفع والفايدة.

وده كان الجزء الأول من السلسلة و قريباً هينزل الجزء التاني.

كتابة / خالد حرب

اقرأ أيضاً:

شرح برنامج افتر افكت: أفضل 5 كورسات لتعلم برنامج افتر افكت

كورسات الويب ديزاين: رحلة في عالم البرمجة

كورسات ICDL :أفضل 5 كورسات مجانية و معتمدة على الإنترنت