Career Shift: إزاي تغير مسارك الوظيفي بدون مخاطرة..؟!

يعني ايه Career shift..؟!

يعني ايه Career shift..؟!
يعني ايه Career shift..؟!

ال Career shift بإختصار هو إنك تغير مجال شغلك.

مثلاً زي، من مدرس لديزاينر، من دكتور لرائد أعمال، من مهندس لمُبرمج..

طيب ليه نعمل كارير شيفت؟، وإزاي نعمله بدون ما نخاطر بمستقبلنا.. ؟!

في المقال ده، هعرفك على كل حاجة متعلقة بال Career shift، وعن أهم النصايح اللي تتبعها لو هتاخد الخطوة دي فعلاً..

حالياً، أنا زيي زيك لسا مُقبل على خطوة ال Career shift، بالتالي مليش تجربة سابقة..

لكنني اجتهدت في المقال ده، وجيبتلك خلاصة نصايح وتجارب ناس نجحوا فعلاً في الخطوة دي، وهقدمهالك بطريقة مُميزة

بتمنى إن المقال يفيدك، يلا بينا..؟!

هل حالتك تندرج تحت مصطلح ال Career shift..؟!

أغلبنا بعد مدة حلوة في الكلية، بيكتشف إنها مش مناسبة معاه ومع قدراته، أو إنه مش حاسس نفسه في المجال ده وإنه يشتغل بالشهادة دي، أياً كانت ايه هي..

ده لأسباب كتيرة، ممكن نذكر منهم صغر سننا أثناء اختيارنا للكلية، اللي مع الوقت ومع نضوجنا العقلي بنكتشف إننا كنا غلط نسبياً.

ايه سبب اكتشافك إنك كنت غلط..؟!

اكتشاف كونك الغلط، بيكون سببه حاجة من اتنين..

  • الأولى، إنك موهوب في شئ معين، وموهبتك بدأت تطغى عليك، وبالتالي هتنجذب للشئ ده -سواء كنت بتحب الكلية أو لاء- ومن ثم أولوياتك هتتغير ف تكون هوايتك هي الشئ الأساسي، ودراستك شئ ثانوي.
  • الحاجة التانية، إحساسك بعدم تقبل الكلية، أو إنك مش لاقي نفسك فيها، أو إنها صعبة عليك..

بالتالي تبقى عايز تشغل نفسك في أي حاجة تانية، تهرب بيها من الاحساس ده وتهون عليك فترة الدراسة..

المشكلة في الحالة دي “عدم وجود هدف محدد” ف بتجرب كل حاجة تقابلها وأوقات كتير بتنجح في الحاجة دي..

بس متتخدعش..!!

أنت في الأغلب بتنجح؛ لأنك بتحول كم كبير من الطاقة السلبية -مُتمثل في عدم قبولك للكلية- لاجتهاد ونجاح في حاجة تاني لمجرد الهروب من احساسك..

ومن ثم، بتقابل معضلة و Over thinking كتير حول “بعد ما أخلص كلية، هعمل ايه؟!”..

عموماً اتطمن، لو أنت شخص من الحالتين دول ف افهم ان حالة التخبط دي حالة طبيعية بتحصل لأي حد في بداية حياته العملية..

بالمناسبة، رداً على أول سؤال خالص فوق حالتك لا تندرج تحت مصطلح ال Career shift..

الكارير شيفت معناه، إنك فعلاً شغال” بوظيفة ثابتة” في مجال معين، بس عاوز تغير المجال، لسبب من الأسباب اللي هقولها لك دلوقتي..

مهتم بالديزاين (Design)..؟!

لو عاوز تعمل كارير شيفت وتتجه لمجال الديزاين (Design)، تقدر تحترف المجال ده وتبقى مستعد لسوق العمل، لما تشوف أقوى 6 كورسات فوتوشوب مجانية.

ليه تعمل Career shift..؟!

ليه تعمل Career shift..؟!
ليه تعمل Career shift..؟!

في أسباب كتير لعمل الـ كارير شيفت، وممكن نقسمهم لـ نوعين من الأسباب..

أسباب نفسية

إحساسك بضغط الشغل، ومفيش أي تقدير لمجهودك.

الشغل بيتحول لمجرد روتين يومي، مفيش اكتساب لمهارات جديدة، مفيش شغف أو رغبة إنك تكمل، مفيش أي مساحة للتطور عموماً.

لما متبقاش راضي عن الشغل، ولا عن نفسك ولا مبسوط بوجودك في المكان ده.

إذا كان الشغل غير آدمي.

الشغل واخد كل وقتك، ومفيش وقت لحياتك الشخصية.

لو كنت في الجامعة، أو خريج ومش بتحب مجالك، وقتها لازم تعمل كارير شيفت(ممكن نعتبر السبب ده عملي أكتر من كونه نفسي).

أسباب الإجبارية

لما تحس بانهيار مجالك بأي شكل من الأشكال، لازم تعمل كارير شيفت، خصوصاً في المجالات اللي ممكن تحل فيها الآلة محل الإنسان.

لما يكون الراتب، والفلوس عموماً في مجال الشغل ده ضعيفة وقليلة.

بتؤدي مجهود كبير قصاد راتب قليل.

اتحفز أكتر..!

تقدر تستعد أكتر وتتحفز لخطوة الكارير شيفت، لما تشوف أفضل مواقع العمل الحر (Freelance) عربياً، وعالمياً.

إزاي تغير مسارك الوظيفي بدون مخاطرة بمستقبلك..؟!

إزاي تغير مسارك الوظيفي بدون مخاطرة بمستقبلك..؟!
إزاي تغير مسارك الوظيفي بدون مخاطرة بمستقبلك..؟!

بعد بحث عميق، وصلت لأهم النصائح اللي تتبعها لما تبقى مُقبل على الخطوة دي، ممكن نقسمهم نوعين..

أهم النصائح قبل عمل ال كارير شيفت

  • لو كنت بالفعل في شغل ثابت،  متاخدش قرار الكارير شيفت قبل ما يكون معاك مبلغ يكفيك ٦ شهور على الأقل.
  • متعملش كارير شيفت لو أنت مسئول عن أسرة.
  • قبل ما تاخد القرار، ممكن تاخد break من مجالك اللي شغال فيه بالفعل؛ عشان تقدر تقرر “أنت على أتم الاستعداد إنك تسيبه ولا لاء؟”.
  • لازم يكون عندك شغف للمجال الجديد اللي بتفكر فيه.
  • اتواصل مع ناس قامت بالخطوة دي بالفعل واعرف منهم ايه التحديات اللي هتقابلك وايه المشاكل اللي لازم تتخطاها.
  • أخيراً، مفيش مانع إنك تاخد استشارة من ناس موجودة دلوقتي باسم “مسؤولي تخطيط الحياة المهنية (career coach)”..

تقدر تعرف أكتر عنهم من هنا.

ومن هنا.

أهم النصائح لما تاخد القرار بالفعل

  • راجع نفسك، بص بتمعن أكتر لمرحلتك السابقة وشوف قرارك صائب فعلاً؟، وكمان شوف ايه الوقت المناسب لاتخاذ الخطوة.
  • اعمل List بالمجالات المناسبة معاك، مع مهاراتك وشغفك، طبعاً بالإضافة لفرص العمل فيها.
  • شوف شبكة علاقاتك ومعارفك، ممكن تلاقي حد فيهم موجود في المجال اللي أنت متجه له، وقتها هيوفرلك المساعدة بطرق كتير.
  • راجع على مهاراتك القديمة، شوف نفسك كنت مميز في ايه وأهملته؛ بسبب ظروف عملك السابق..
  • ولو عندك مهارة هتزود إمكانياتك في المجال اللي أنت رايحله، عيد اكتشافها.
  • ادرس المجال اللي هتبدأ فيه، طور نفسك بالكورسات سواءً أونلاين، أو أوفلاين.
  • خلي في بالك، إنك هتبدأ من الأول يعني لسا قدامك طريق طويل هتقطعه بشغفك وإصرارك.

أخيراً، ال Career shift هو فعلياً إن “محدش بيشتغل بشهادته” وإنك تقدر تغير من مجالك وتطور من نفسك، طالما واثق من قدرتك على الاجتهاد.

وهو انتشر جداً الفترة اللي فاتت -بعيداً عن وجوده من زمان- وناس كتير حققت فيه نجاحات عظيمة.

من الناس دي على سبيل المثال ليس الحصر..

  • باسم يوسف
  • اكرم حسنى
  • كريم فهمى 
  • يحيى الفخرانى

وغيرهم كتير، الموضوع مش صعب بس محتاج جراءة.

الجراءة اللي خلت الناس دى تسيب مجال دراستها سواء كان دكتور او مهندس وتتجه للتمثيل مع أنهم مش عارفين إذا كانوا هينجوا ولا لأ بس شغفهم خلاهم خاطروا ونجحوا فى الاخر .. وافتكر الجمله دى.

ساب كلية الطب، وعمل كارير شيفت اقرأ التجربة من هنا.

كتابة/ أحمد علام

من مقالاتي السابقة

ما هي كلية الثروة السمكية من هنا.

كورسات HR: كل ما تريد معرفته عن مجال ال HR..! من هنا.

كورسات برمجة للمبتدئين: طريقك لتعلُّم أساسيات البرمجة 2021..! من هنا

أفضل 5 كورسات ألماني للمبتدئين، من هنا

ملخص كتاب فن اللامبالاة من هنا