ماذا بعد الثانوية العامة؟ 6 أشياء ينبغي عليك التفكير بهم
محدش يقدر ينكر أهمية و صعوبة مرحلة تعليمية زي مرحلة الثانوية العامة وخصوصاً تالتة ثانوي ..
مرحلة مهمة و صعبة بتبقي فيها كطالب تحت ضغط كبير بين المجموع اللي هيحدد مصيرك الدراسي أو المرحلة اللي بعديها وبين إنك عايز تفرح و تسعد أهلك و تحقق أهدافك و أهدافهم و علشان كدا الثانوية العامة هيا البعبع اللي بيفضل يطارد أي طالب.
لكن ماذا بعد الثانوية العامة؟!
أعمل إيه كطالب علشان أقدر أكون متميز و حياتي منظمة؟
1-القراءة
أقرأ عن كل المجالات و التخصصات و أعمل رؤية عامة ل سوق العمل و دا علشان متبقاش مجرد حد خضع لمجموع وتنسيق معين. في مجالات كتير مطلوبة في سوق العمل و تخصصات بقت ذات أهمية أكبر عن غيرها منها. مجال الحاسبات والمعلومات و الذكاء الاصطناعي و التكنولوجيا و البيزنس و الثروة السمكية و غيرها من التخصصات اللي تقدر تحددها و فقاً لميولك و لسوق العمل زي ما وضحنا. القراءة عموما هتزود معرفتك و تفتح عقلك لأشياء أنت مسمعتش عنها.
2- أتعلم اللغة الإنجليزية
وهنا تعلم اللغة مش بس لإن معظم الدراسة في الجامعة بتكون باللغة الانجليزية. ولكن تمكنك من اللغة هيفتح ليك أبواب كتيرة جداً، وفرص وتدريبات هتُدرك قيمتها بعدين. دا غير إنها هتساعدك في الدراسة و التحصيل بشكل أسرع و التعلم من خلال الانترنت اللي ممكن من خلاله تاخد كورسات من أفضل الجامعات ولو قدرت تمتحن IELTS ف فرصتك في الحصول علي منح بالخارج بتزيد جدآ. وتعلم أى لغة هيخليك سابق كل جيلك وقادر تفهم الثقافات المختلفة وتاريخ البلد.
3- البرمجة
سواء قررت تدخل حاسبات أو معلومات أو أي كلية تانية ف أنت محتاج تتعلم البرمجة أو علي الأقل يكون عندك فكرة عنها. ودا لإنها مهمة جدا في كل المجالات ولو قدرت تتقنها بشكل كويس ممكن تكون مصدر دخل ليك.
وتقدر تتعرف علي أهم كورسات البرمجة من هنا
4- الجرافيك ديزاين
بعيداً عن إنه هيفيدك في أمور كتير ولكن ممكن تعتبره مصدر للدخل. وتقدر تتعرف علي أهم كورسات الجرافيك ديزاين من هنا. وكتير من الجهات الطبية والصحية بتنظم حملات توعية للأمراض وبتلجأ للجرافيك ديزاين بما إنه وسيلة بصرية فعالة فى جذب انتباه الجمهور.
5-Microsoft office skills
أياً كان التخصص أو الجامعة ولكن هتحتاج في يوم إنك تعمل بوربوينت بنفسك و تقدم بريزنتيشن أو شيت اكسيل وكل دي مهارات هتضيف كتير لل CV بتاعك و هتخليك شخص qualified. الـ Microsoft Office Suite واللي بـنسميها مايكروسوفت أوفيس أو أوفيس. وهي مجموعة من أدوات الإنتاجية اللي بيتم استخدامها فى العالم كله. لكن استخدامها مش بس مجرد كتابة النصوص باستخدام Word أو إنشاء الجداول على برنامج Excel. ومعظم المناصب العالية فى الشركات بتكون مطلب أساسي فيها.
6- العمل التطوعي
كتير بيستخف بأهمية العمل التطوعي أو الاتحادات الطلابية أو ال student activities ولكن خلينا نوضح أنه لولا وجودهم كان فى طلبة كتير هتفقد المهارات الأساسية زى القدرة على التحدث قدام جمهور كبير. سواء كانت الحاجة اللي هتطوع فيها ولكنها هتخليك شخص ملتزم عنده معرفة بوظائف زي HR, PR, Graphic وإزاي تقدر تعمل بحث عن معلومة وتجمعها و تنسقها بشكل مرتب ومنظم.
فى نهاية المقال أتنمى تكون قدرت تحدد وجهتك وهدفك و عرفت أنه مش مجموع هو اللي يحدد لو أنت شخص مجتهد ولا لا
لو عجبك المقال: أقرأ أيضا
ماهي كلية العلوم الطبية من هنا